Situata e tensionuar Kosovë-Serbi, Bolton: Kërcënimi i vërtetë nga Moska

John Bolton, ish-këshilltar i sigurisë kombëtare të Shteteve të Bashkuara të Amerikës, ka theksuar se kërcënimi i vërtetë për Ballkanin është nga qeveria në Moskë. Ai vlerëson se mosmarrëveshjet ndërmjet Kosovës dhe Serbisë duhet të kontrollohen dhe se duhet të përqendrohemi te lufta në Ukrainë

Ish-këshilltari i sigurisë kombëtare të Shteteve të Bashkuara të Amerikës, John Bolton, ka thënë se kërcënimi i vërtetë për Ballkanin është nga qeveria në Moskë, pasi, sipas tij, mosmarrëveshjet ndërmjet Kosovës dhe Serbisë duhet të kontrollohen.

“Nga jashtë, duket sikur kemi humbur mundësi për të zgjidhur me diplomaci fërkimet e dukshme mes Serbisë dhe Kosovës. Shumë njerëz janë përpjekur për disa kohë në këtë drejtim. Nuk e di se çfarë e ka shkaktuar shpërthimin e fundit. Jam i sigurt që arsyet janë komplekse, por mendoj se në perspektivën e Evropës si një e tërë dhe të Shteteve të Bashkuara, duke pasur parasysh luftën në Ukrainë, nuk është momenti ku tensionet tjetërkund në kontinentin evropian, në Ballkan apo kudo gjetkë, duhen lejuar të shpërthejnë”, ka thënë ai.

Sipas tij, kjo është mënyra e domosdoshme që SHBA-ja e BE-ja, por dhe shtetet e tjera të fokusohen te lufta në Ukrainë.

“Së paku, duhet të kemi parasysh që kërcënimi i vërtetë me të cilin përballemi të gjithë, është nga qeveria në Moskë, fërkimet dhe mosmarrëveshjet që kemi, që janë të shumta, duhet të vihen nën kontroll së afërmi që të gjithë të përqendrohemi në një fund të kënaqshëm të luftës në Ukrainë”, ka thënë në emisionin “Balkan Talks” në Euronews Albania, përcjell Dukagjini.com

Shija e redaktorit

Spanja kampione e Evropës për herë të katërt

Ka mbaruar super ndeshja mes Spanjës dhe Anglisë në kuadër të finales së Kampionatit Evropian 2024. Pas një loje fantastike, Spanja ka përmbyllur ndeshjen me...

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Të fundit nga rubrika