Situata me zjarret në ishullin e Sazanit në Vlorë është përkeqësuar, flakët e zjarrit iu kanë afruar godinave të bazës detare.

Zjarret në ishullin e Sazanit prej dy ditësh vazhdojnë të jenë ende aktive dhe po i afrohen ish-bazës detare. Baza ushtarake shërben për monitorimin e hapësirës detare nëpërmjet radarëve.

Terreni i vështirë dhe pamundësia për të ndërhyrë nga ajri, ka vështirësuar ndërhyrjen e zjarrfikësve.

Pjesë shqetësuese për forcat e zjarrfikësve, ato të ushtrisë dhe policisë mbeten plasjet e municioneve të vjetra që janë hedhur ndër vite.

Më herët, Ministria e Mbrojtjes ka thënë se situata në Sazan vazhdon të mbetet kritike, ndërsa shkaku i zjarrit mund të jetë pakujdesia e turistëve.

Zjarri në ishullin e Sazanit po përhapet për shkak të erës