Të gjitha pikat kufitare mes Sllovakisë dhe Ukrainës janë mbyllur këtë të mërkurë mes shqetësimeve të sigurisë.
Mbylljet kanë hyrë në fuqi rreth orës 15:00 sipas kohës lokale dhe do të mbeten deri në një njoftim të ri, ka njoftuar Administrata Financiare e Sllovakisë, shkruan The Guardian, transmeton Dukagjini.
“Për arsye sigurie, të gjitha pikat kufitare në kufirin me Ukrainën do të mbyllen nga rreth orës 15:00 të mërkurën deri në një njoftim të mëtejshëm”, ka thënë zëdhënësi i Administratës Financiare, Daniel Kovac.
Kovac i ka bërë thirrje publikut të ndjekë informacionet zyrtare dhe udhëzimet e dhëna nga Administrata Financiare dhe policia.
“Administrata Financiare rekomandon që publiku të ndjekë informacionet aktuale dhe të respektojë udhëzimet e Administratës Financiare dhe të Forcave të Policisë”, ka thënë ai, duke shtuar se autoritetet do të vazhdojnë të japin përditësime mbi situatën.
Më herët sot, presidenti ukrainas Volodymyr Zelensky paralajmëroi se Ukraina mund të përballet me valë të reja sulmesh ruse me dronë, pasi më shumë se 100 dronë thuhet se janë detektuar në hapësirën ajrore ukrainase.
Rusia godet Ukrainën me dronë, nëntë të vdekur dhe mbi 28 të lënduar