Në emisionin “Dueli Botëror” në RTV Dukagjini, trajneri i njohur Bylbyl Sokoli ka shprehur një mendim tejet interesant për mos-inkuadrimin e Cristiano Ronaldos nga minuta e parë.
Sokoli tha se “Ronaldo nuk e ka vendin në bankë, ky është yll i botërorit. Nuk është si gjithë të tjetër. Botërori do të jetë më i varfër me Ronaldon në bankë, ky nuk e meriton këtë degradim”.
Ai po ashtu shtoi “Ronaldo është lider, ka shumë tifozë ka mbi 500 milionë ndjekës. Trajneri ka vepruar drejtë me inkuadrimin e trajnerit”.
Sokoli gjithashtu potencoi “Ronaldo e ka forcën në nivel maksimal, ka shpejtësinë maksimale, bile qëndrueshmëria është më e madhja pas moshës 35 vjeçare. E ka problem me u largu nga loja dhe po shihet edhe me mimikat e tij. Ka shumë presion psikik”.
Kjo është nata e 18- të e emisionit “Dueli Botëror” i cili do zgjasë deri në në finalen e madhe të Kupës së Botës.
Edhe në netët në vazhdim do të ketë të ftuar të ndryshëm nga bota e sportit dhe jo vetëm, të cilët në fokus kryesor do ta kenë diskutimin për Kampionatin Botëror.