Trajneri i njohur Bylbyl Sokoli ka shpalosur shumë momente nga e kaluara e tij si trajner, momentet më të mira në studio të RTV Dukagjinit e shumë gjëra të tjera.
Ai tha fillimisht tregoi se si i kishte motivuar futbollistët e Ferizajit në ndeshjen kundër Vëllaznimit, e cila ishte e vlefshme për inkuadrim në Superligë.
Ai tha se “Shumë persona me kanë pyetur për atë ndeshje. Jemi përgatitë për me shku në penalti. Dy penaltitë i kemi humbur, kurse kundërshtarët shënuan dy. Në ato momente futbollistët e mi u dekurajuan, por unë u futa në fushën e gjelbër dhe i thash ngriti sepse ne do të shënojmë, kurse ata do të humbin. Futbollistët kanë qenë kryesisht të ri më kanë besuar shumë dhe në fund e arritëm qëllimin”.
Teksa, sa i përket momenteve më të mira të kaluara në RTV Dukagjini ai tha “pjesa më interesante ka qenë kur e kemi përcjellë Zvicrën kundër Francën. Ne paraprakisht e kishim ‘shpallur’ në studio Xhakën si lojtar të ndeshjes. Prekëse ishte rasti i Eriksenit, teksa së fundmi edhe eleminimi i Serbisë nga Zvicra”.
Kjo është nata e 16- të e emisionit “Dueli Botëror” i cili do zgjasë deri në në finalen e madhe të Kupës së Botës.
Edhe në netët në vazhdim do të ketë të ftuar të ndryshëm nga bota e sportit dhe jo vetëm, të cilët në fokus kryesor do ta kenë diskutimin për Kampionatin Botëror.