Sot në Kosovë parashikohet të mbajë mot kryesisht me diell gjatë pjesës së parë të ditës, ndërsa më vonë pritet shtim i vranësirave.
Gjatë pasdites dhe mbrëmjes, vranësirat mund të sjellin rrebeshe të izoluara dhe afatshkurtra në disa lokalitete. Nuk përjashtohet mundësia për vetëtima dhe bubullima.
Nxehtësia ekstreme mund të jetë e rrezikshme për aktivitetet në ambiente të jashtme.
Era do të fryjë nga drejtime të ndryshme, me shpejtësi prej 10 deri në 33 km/h, ndërsa në zonat me zhvillime atmosferike mund të arrijë përkohësisht deri në 45 km/h.
Temperaturat minimale do të lëvizin nga 17 deri në 20°C, ndërsa maksimalet nga 34 deri në 37°C.