Sot fillon faza e plejofit të Ligës së Kampionëve, që do të vendosë skuadrat që do të kualifikohen në 1/8 e finales.
Në total do të luhen katër ndeshje.
Ndeshja e parë nis në Stamboll nga ora 18:45, ku Galatasaray pret Juventusin.
Të dyja skuadrat nuk arritën të përfundojnë në Top-8 të grupit, por tani kanë një shans për të kaluar në fazën tjetër përmes plejofit.
Në Superligën turke, Galata kryeson me 55 pikë, dy më shumë se Fenerbahçe, ndërsa Juventus është i pesti në Serie A.
Nga ora 21:00 zhvillohen tri ndeshje të tjera.
Paris Saint-Germain – Monaco, ku kampioni në fuqi PSG kërkon të nisë mirë rrugëtimin drejt mbrojtjes së titullit.
Borussia Dortmund – Atalanta, që pritet të jetë një përballje e fortë dhe me ritëm të lartë.
Benfica – Real Madrid, ku Real Madrid kërkon revanshin pas eliminimit dramatik nga Benfica në xhiron e fundit të fazës së grupit, kur portieri i Benficës shënoi gol në minutën e 98-të që ndryshoi renditjen dhe kualifikimin.