Komisioni Qendror i Zgjedhjeve ka bërë të ditur se të shtunën në Qendrën e Numërimit dhe Rezultateve nis numërimi i fletëvotimeve të diasporës për balotazhin e 9 nëntorit.
Numërimi pritet të fillojë nga ora 10:00, njofton Dukagjini.
Sipas të dhënave të KQZ-së, deri në pasditen e së premtes më shumë 12 mijë pako të supozuara me fletëvotime nga votimi me postë jashtë Kosovës dhe që i takojnë zgjedhjeve të raundit të dytë për kryetarë të 18 komunave, janë vlerësuar dhe verifikuar nga shërbimi votues i KQZ-së.
Nga pakot me fletëvotime që janë sjellur në Kosovë janë aprovuar më shumë se 8,930 nga gjithsej 12 mijë ndërkaq janë refuzuar rreth 3,080.
Në njoftimin e KQZ-së bëhet e ditur se arsyeja më e shprehur se përse janë refuzuar këto pako është sepse në 3,000 raste mungon dëftesa e regjistrimit, një dokument me të dhëna unike, që votuesi i regjistruar e pranon nga KQZ”.