Kuvendi Komunal i Prishtinës sot mban seancë të jashtëzakonshme, ndërkaq në rend dite është shkarkimi i kryesuesit të Kuvendit, Pëllumb Bajçinovci.
Mbledhja e jashtëzakonshme pritet të nisë në orën 15:00.
“Sot në ora 15:00, Kuvendi Komunal i Prishtinës mban mbledhje të jashtëzakonshme. Pika e vetme e rendit të ditës është: Shkarkimi i Kryesuesit të Kuvendit”, thuhet në postimin e asamblistit të Lëvizjes Vetëvendosje, Gëzim Sveçla.
VV-ja inicion shkarkimin e kryesuesit të Kuvendit Komunal në Prishtinë
Lëvizja Vetëvendosje, qendra në Prishtinë, ka iniciuar mbajtjen e një mbledhjeje të jashtëzakonshme të Kuvendit Komunal të Prishtinës, për ta shkarkuar kryesuesin e Kuvendit Komunal.
“Këshilltarët Komunal të Lëvizjes VETËVENDOSJE!, me mbështetje të këshilltarëve të AAK-së, një këshilltari të AKR-së dhe një këshilltari të pavarur, kanë inicuar mbajtjen e mbledhjes së jashtëzakonshme të Kuvendit Komunal të Prishtinës me të vetmen pikë të rendit të ditës:SHKARKIMIN E KRYESUESIT TË KUVENDIT KOMUNAL”, thuhet në njoftim.