Sot rivarrosen mbetjet mortore të gjashtë personave të zhdukur në Krushë të Vogël

Sot në Kompleksin e Varrezave të Martirëve në fshatin Krushë te Vogel, në ora 12:00 rivarrosen mbetjet mortore të gjashtë personave të zhdukur, gjatë luftës në Kosovë 1998-1999.

Mbetjet mortore të të zhdukurve do të rivarrosen me kërkesë të familjarëve dhe me anë të përkrahjes institucionale.

Emrat e të zhdukurve që do të rivarrosen sot janë:

Hysen (Maxhun) Zylfiu (1935), i zhdukur më datën 26.03.1999, Skifter (Osman) Batusha (1981), i zhdukur më datën 26.03.1999, Ahmet (Manush) Berisha (1938), i zhdukur më datën 26.03.1999, Nue (Shyt) Prenkaj (1960), i zhdukur më datën 26.03.1999, Nuredin (Qazim) Shehu (1927), i zhdukur më datën 26.03.1999, Sami (Aziz) Shehu (1974), i zhdukur më datën 26.03.1999.

Banorët e Krushës së Vogel i kanë dhënë dëshmitë e tyre për masakrën te misioni i OKB-së në Kosovë, UNMIK, në vitin 2003. Sipas prokurorisë së EULEX-it, masakra në Krushë të Vogël dyshohet se është një nga “masakrat më të mëdha që ndodhën gjatë konfliktit në vitin 1999 në Kosovë.”

Familjarët e personave të identifikuar janë pritur në takim nga përfaqësuesit e Komisionit Qeveritar për Persona të Zhdukur, zv.Drejtori i përgjithshëm dhe zyrtarët e Institutit të Mjekësisë Ligjore, përfaqësues të Ministrisë së Drejtësisë, përfaqësues të EULEX- it dhe Komitetit Ndërkombëtar të Kryqit të Kuq.

Përfaqësuesit e institucioneve falënderuan familjarët e personave të zhdukur, që kanë ofruar bashkëpunim në këtë proces të ndjeshëm.

Kryetari i Kuvendit të Kosovës, Glauk Konjufca dhe Kryeministri i Kosovës, Albin Kurti do të marrin pjesë në këtë ceremoni.

Më 17.06.2020 është mbajtur seanca e fundit për gjykimin e Darko Tasiq, i akuzuar për krime lufte në Krushë të Vogel. Prokurorja Drita Hajdari kërkoi dënimin e të akuzuarit, por avokati i të akuzuarit Ljubomir Pantoviq dyshonte për dëshmitë e dëshmitarëve  edhe para fillimit të seancës gjyqësore.

 

Shija e redaktorit

INTERVISTË me Marin Memën: Kemi nevojë të duam më shumë...

Cilki i dokumentarëve, 'Gjurmë Shqiptare' me autorin Marin Mema, në Top Channel Albania përfshin një audiencë të të gjitha moshave. Në 'Gjurmë Shqiptare' trajtohen tema...

Këngët për nder të gjeniut Andy Warhol

Data e 6-gushtit shënon lindjen e një pop artisti si Andrew Warhol, arti i tij i  mrekullueshëm dhe idetë revolucionare të Warhol ishin padyshim...

“Film n’park”, tradita që i rikthehet Prishtinës

Në zemrën e gjelbërt të kryeqytetit, në mesin e dritave, miqve dhe muzikës, është vendi ku “Film n’park” shënon një rikthim pas kufizimeve nga...

Më të lexuarat

“Për shkak të Qeverisë Kurti 1, djali im nuk do...

Ish-ministrja e Kulturës Rinisë dhe Sportit, Vlora Dumoshi, në emisionin ‘Personale’ me Krenare Vokshi-Shala, ka treguar se si djali i saj, Rroni, i cili...

Një person largohet nga një restorant në Pejë pa paguar...

Një person mashkull shihet duke ngrënë mengjes, dhe menjëherë pas përfundimit ai shihet duke u larguar pa komunikuar me ndonjë kamerier nga restoranti. Pamjet e...

Sulmohet seksualisht një fëmijë gjashtëvjeçar në Prishtinë – qytetarët përballen...

Vetëm të mërkurën e 27 korrikut të vitit 2022, janë raportuar tri raste të sulmeve seksuale ndaj të miturve. Prishtina, Obiliqi dhe Mitrovica, janë...

Të fundit nga rubrika