Gjatë ditës së sotme [e dielë] do të ketë vetëm dy ndeshje të cilat do të zhvillohen në të njëjtin orar, duke filluar nga ora 21:00.
Në fakt ndeshjet e ditës së sotme shënojnë fillimin e xhiros së tretë të Kampionatit Evropian 2024 dhe të fundit të fazës së grupeve.
Ndeshja më interesante është ajo mes Zvicrës dhe Gjermanisë e cila do të luhet në “Deutsche Bank Park” të Frankfurtit.
Gjermania si nikoqire e kësaj gare tashmë është kualifikuar në mesin e 16 më të mirave, por sot i duhet fitorja që këtë ta bëjë si lider i Grupit A.
Zvicra në anën tjetër numëron katër pikë dhe në rast të një fitoreje eventuale do të kualifikohej si lider i grupit.
Përballje shumë interesante pritet të jetë edhe ajo mes Skocisë dhe Hungarisë që bëjnë pjesë në grupin A së bashku me Zvicrën dhe Gjermaninë.
Gjermania ka shënuar fitore ndaj Hungarisë me rezultat 2-0 në ndeshjen e dytë të Grupit A në Euro 2024.
Gjermanët e nisën shumë mirë ndeshjen, duke rrezikuar në start me emra si Kai Havertz dhe Robert Andricht, por që nuk gjetën rrjetën. Goli i parë në ndeshje erdhi në minutën e 22-të, kur Ilkay Gundogan asistoi te Jamal Musiala, i cili shënoi për 1-0.
Ndryshe, Zvicra ka barazuar 1-1 me Skocinë në rrethin e dytë të fazës së grupeve në Euro 2024, përkatësisht në Grupin B. Pas vetëm 13 minutash, Zvicra pësoi një auto-gol nga Fabian Schar që nuk ia doli të devijonte goditjen e Scott McTominayt, ndërsa shifrat për Helvetikët i barazoi Xherdan Shaqiri (26’).
Ndërsa Skocia do ta pres Hungarinë.
Ndryshe, Gjermania tashmë e kualifikuar është lidere e Grupit A me gjashtë pikë, Zvicra me katër dhe Skocia me një.