Spanja, Irlanda dhe Norvegjia vendosin ta njohin Palestinën si shtet

Norvegjia, Irlanda dhe Spanja kanë njoftuar se do ta njohin shtetin palestinez

Flamuri i Palestines

Spanja, Irlanda dhe Norvegjia kanë njoftuar të mërkurën se kanë vendosur ta njohin Palestinën si shtet të pavarur.

Kryeministri i Norvegjisë, Jonas Gahr Store në konferencën për media sot [e mërkurë] tha se “nuk mund të ketë paqe në Lindjen e Mesme, nëse nuk ka njohje”.

Gahr Store tregoi se shteti skandinav do ta njohë zyrtarisht shtetin palestinez nga 28 maji.

“Duke e njohur Palestinën si shtet, Norvegjia e mbështet planin për paqe arabe”, tha ai.

Ndërsa, Kryeministri irlandez, Simon Harris ka njoftuar se shteti i tij do ta njohë Palestinën si shtet.

“Sot, Irlanda, Norvegjia e Spanja po njoftojmë se e njohim shtetin e Palestinës”, ka thënë Harris në një konferencë për media.

“Të gjithë ne, tani do të ndërmarrim çfarëdo hapa të nevojshëm kombëtarë që të vëmë në fuqi këto vendime. Kam besim se edhe më shumë shtete do të na bashkohen në këtë hap të rëndësishëm në javët e ardhshme”, ka shtuar ai.

Kryeministri i Irlandës, Simon Harris, tha se ky ishte një vendim i përbashkët mes vendit të tij, Spanjës dhe Norvegjisë.

Ky vendim historik nxiti kundërshtim të ashpër nga Izraeli dhe gëzim nga palestinezët. Izraeli i tërhoqi menjëherë ambasadorët e vet nga Norvegjia dhe Irlanda.

Këto tre vende njoftuan njëra pas tjetrës përmes konferencave për media për vendimin e tyre për Palestinën.

Norvegjia dhe Irlanda vendosin ta njohin shtetin e Palestinës

Kryeministri i Spanjës, Pedro Sanchez, ka bërë të ditur se vendi i tij do ta njohë shtetin e Palestinës më 28 maj.

“Paqe, drejtësi dhe qëndrueshmëri”, janë tri arsyet që Spanja ka vendosur ta njohë shtetin palestinez.

“Ne do ta njohim Palestinën për shumë arsye dhe mund ta përmbledhim me tre fjalë – paqe, drejtësi dhe qëndrueshmëri”, ka thënë kryeministri spanjoll.

“Ne duhet të sigurohemi që zgjidhja me dy shtete të respektohet dhe të ketë garanci reciproke të sigurisë. Është thelbësore që të dyja palët të negociojnë për paqen dhe është për këtë arsye që ne e njohim Palestinën”, shtoi ai.

Spanja vendos ta njohë Palestinën si shtet

Izraeli është kundëpërgjigjur menjëherë sot duke njoftuar se ka kërkuar “tërheqjen e menjëhershme” të ambasadorëve në Irlandë dhe Norvegji.

Ministri i Jashtëm i Izraelit, Israel Katz, ka njoftuar në X për këtë tërheqje.

“Unë kam udhëzuar tërheqjen e menjëhershme të ambasadorëve të Izraelit në Irlandë dhe Norvegji për konsultime në dritën e vendimeve të këtyre vendeve për të njohur një shtet palestinez. Unë po i dërgoj një mesazh të qartë Irlandës dhe Norvegjisë: Izraeli nuk do të qëndrojë i heshtur përballë atyre që minojnë sovranitetin e tij dhe rrezikojnë sigurinë e tij”, raporton BBC.

Ai tha se “organizata terroriste Hamas kreu masakrën më të madhe ndaj hebrenjve që nga Holokausti, pas kryerjes së krimeve të tmerrshme seksuale të dëshmuara nga bota, këto vende zgjodhën ta shpërblejnë Hamasin dhe Iranin duke njohur një shtet palestinez”.

Izraeli njofton “tërheqjen e menjëhershme” të ambasadorëve në Irlandë dhe Norvegji

Sa shtete e kanë njohur Palestinën?

Të paktën 140 vende e kanë njohur shtetin palestinez, sipas një letre të fundit drejtuar Organizatës së Kombeve të Bashkuara (OKB).

Ekuadori, Egjipti, India, Islanda, Rumania, Polonia, Burundi, Tajlanda, Tanzania, Iraku, Suedia, Rusia dhe pothuajse të gjitha vendet arabe janë disa nga ata që e njohin shtetin palestinez.  Ka pak vende evropiane në listë.

Britania e Madhe dhe Shtetet e Bashkuara të Amerikës janë ndër vendet që nuk e njohin zyrtarisht shtetin palestinez.

Britania e Madhe e ka lënë të hapur mundësinë e njohjes së shtetit palestinez.

Izraeli nuk e njeh Palestinën dhe qeveria aktuale izraelite kundërshton krijimin e një shteti palestinez në Bregun Perëndimor dhe Gaza. Sipas izraelitëve, një shtet i tillë do të ishte kërcënim për ekzistencën e Izraelit.

Norvegjia, Irlanda dhe Spanja konfirmuan të mërkurën [sot] se do ta njohin shtetin palestinez.

Shija e redaktorit

Spanja kampione e Evropës për herë të katërt

Ka mbaruar super ndeshja mes Spanjës dhe Anglisë në kuadër të finales së Kampionatit Evropian 2024. Pas një loje fantastike, Spanja ka përmbyllur ndeshjen me...

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Të fundit nga rubrika