Alain Rober është një alpinist i lirë, ndryshe i quajtur “Spiderman”, i cili në muajin gusht ka mbushut 60 vjet, ndërsa për të shënuar ditëlindjen e tij ai është ngjitur në një ndërtesë 48-katëshe në Paris.
I veshur me të kuqe, Roberti ka festuar teksa ka arritur në majën e ndërtesës së Tour TotalEnergies prej 187 metrash, në lagjen e biznesit La Defense të kryeqytetit francez.
“Dua t’u dërgoj njerëzve mesazhin se të jesh 60 nuk është asgjë. Mund të bësh ende sport, të jesh aktiv, të bësh gjëra përrallore”.
“Ia premtova vetes disa vite më parë se kur të mbushja 60 vjeç, do të ngjitesha sërish në atë kullë, sepse 60-ta simbolizon moshën e pensionit në Francë dhe mendova se ishte një prekje e bukur”, ka thënë alpinisti, njofton Sky News.
Robert kishte filluar të ngjitej në vitin 1975, duke u stërvitur në shkëmbinj pranë vendlindjes së tij në Vlemce në Francën jugore, ndërkaq ngjitjen në ndërtesa të larta e ka filluar në vitin 1977.
Që nga ajo kohë, Robert është ngjitur në më shumë se 150 struktura të larta në gjithë botën, duke përfshirë Burj Khalifa të Dubait, ndërtesën më të lartë në botë dhe Kullën Eifel dhe Urën Golden Gate të San Franciskos.
Ndërkaq, duke e zhvilluar aktivitetin e tij pa leje, Robert është arrestuar vazhdimisht.
Alpinisti francez ngjitet pa parzmore, duke përdorur vetëm duart e tij të zhveshura, një palë këpucë ngjitjeje dhe një qese me shkumës pluhur për të fshirë djersën.