Kryeministri i Kosovës, Albin Kurti, u kishte dërguar ftesë për takim krerëve të partive opozitare, por vetëm kryetari i PDK-së, Memli Krasniqi, i është përgjigjur pozitivisht kësaj ftese.

Kreu i Lidhjes Demokratike të Kosovës dhe ai i Aleancës për Ardhmërinë e Kosovës kanë refuzuar ftesën për këtë takim, duke theksuar me këto tema merren krerët e grupeve parlamentare dhe jo kryetarët e partive.

Nga AAK-ja fillimisht thuhej se do të merrte pjesë shefi i Grupit Parlamentar, Besnik Tahiri, por që i njëjti, siç mëson Dukagjini, nuk do të jetë pjesë e këtij takimi.

Kurti ka bërë të ditur se në këtë takim synohet të diskutohet agjenda legjislative, ndërsa përfaqësuesi i PDK-së, Krasniqi, ka përmendur se do të diskutohet edhe caktimi i datës së zgjedhjeve.

Takimi është planifikuar të mbahet në orën 18:30.

Pritet takimi në mes të Kurtit dhe Krasniqit