Me moton “Dhuro gjak, shpëto jetë”, këtë të enjte stafi akademik dhe studentët e Fakultetit të Shkencave Islame (FSI) kanë dhuruar gjak.
“Me moton “Dhuro gjak, shpëto jetë”, sot më datë 23.11.2023, stafi akademik i FSI-së dhe studentët dhuruan gjak”, thuhet në njoftimin e FSI-së.
Kjo nuk është hera e parë që FSI-ja merr një iniciativë të tillë. Zakonisht, stafi i tyre dhe studentët organizohen për dhurim të gjakut, sidomos në festat e rëndësishme siç është 17 shkurti apo 28 nëntori.
Në Qendrën Klinike Universitare të Kosovës, përkatësisht në Qendrën për Transfuzionin e Gjakut, rreth 85 për qind e nevojave të pacientëve i mbulojnë dhuruesit vullnetarë të gjakut, derisa për 15 për qind të pacientëve, ende vazhdojnë t’i mbulojnë familjarët.
