Trajneri dhe analisti i futbollit, Faruk Statovci, ka fajësuar trajnerët e përfaqësueses së Kosovës për rezultatet e dobëta. Por, Statovci është shprehur me optimizëm për trajnerin aktual të Kosovës, Franco Fodan.
Statovci ka theksuar se këtë vit Kosova duhet të arrijë një sukses, pasi ka ndryshuar atmosfera brenda përfaqësueses, dhe se këtë e kanë treguar edhe vetë lojtarët.
“Mendoj që në atë periudhë me trajnerë kemi problem, trajnerët nuk kanë qenë shumë ata të cilët i kanë nxitë këta (lojtarët e përfaqësueses së Kosovës). Por, mendoj që FFK-ja dhe përfaqësuesja e jonë ka vend për kritika dhe ka vend për përmirësime, por, që është mirë, është mirë. Ne nuk kemi qenë në këtë situatë asnjëherë.
Them të drejtën, prej gjeneratave u-15, ku jam unë deri seniorët nuk ki nevojë me u marrë më asnjë gjë, veç e dërgon një email dhe nesër kur shkon nuk ki mundësi me pas diçka që nuk është në rregull që duhet për ekip, përveç që rezultatet lypen. Uroj që kjo periudhë, fillimi i tanishëm me elektorin e ri, t’i bindë djemtë se duhet më dhanë për kombëtaren, me dha për shtetin, nuk po aludoj që nuk kanë dhënë më herët, por që duhet me pas edhe djemtë edhe një dëshirë më të madhe me luajtë dhe dëshirën edhe vullnetin ua jep vetë elektori dhe ata bashkëpunëtorët që janë tash.
E që tash po ndodh, edhe lojtarët e kanë shprehur se po punojnë se është një atmosferë tjetër. Mendoj që këtë vit kombëtarja duhet me arritë në qëllim ose një sukses”, ka thënë Statovci në emisionin “Reload” në Dukagjini.