Si jo rrallëherë, sekretari i Përgjithshëm i NATO-s, Jens Stoltenberg, ka bërë thirrje që Kosova, e njëherit edhe Serbia, të përmbahen nga të shkaktuarit tensione në vend.
Pas takimit me presidentin serb, Aleksandër Vuçiq, Stolterberg ka deklaruar se tashmë është koha që të nisë një dialog i mirfilltë.
“Është e rëndësishme të zvogëlohen tensionet, andaj u bëjmë thirrje të dyja palëve të përmbahen nga tensionet dhe aktet që mund të eskalojnë situatën”, ka deklaruar ai. “Ne besojmë se dialogu në mes Kosovës dhe Serbisë duhet të rifillojë”.
Good to meet @predsednikrs to discuss the recent violence in northern Kosovo, which left 93 @NATO_KFOR troops injured. #NATO has deployed extra troops & implements its #UN mandate impartially. Pristina & Belgrade must prevent escalation & engage in the #EU-facilitated dialogue. pic.twitter.com/2Ewq1UYmY3
— Jens Stoltenberg (@jensstoltenberg) July 19, 2023
Stolterberg ka theksuar se NATO do të vazhdojë misionin e tij në Kosovë, të vazhdojë ta ruajë paqen.
Nga ana tjetër, presidenti i Serbisë, Aleksandar Vuçiq, ka kërkuar nga NATO-ja të kujdeset për sigurinë e serbëve lokalë.
Jo më ndryshe se në deklaratat publike të kaluara të tij, Vuçiq ka fajësuar Qeverinë e Kosovës. Ai deklaroi se “veprimet e papërgjegjshme të Qeverisë së Kosovës”, janë arsyeja e zhvillimeve të fundit në veri.
Takimi në mes Stolenberg e Vuçiq është zhvilluar në të njëjtën ditë kur emisari i BE-së për dialogun Kosovë-Serbi, Mirosllav Lajçak është takuar me kryenegociatorët e dialogut të lartcekur. Besnik Bislimin nga pala kosovare dhe Petar Petkoviqin nga pala serbe.
Ndërkaq, një takim trepalësh nuk është zhvilluar.
Për këtë, Bislimi deklaroi se kjo ishte mënyra se si e kishte vlerësuar e vendosur emisari Lajçak.
Situata në veri të vendit ka qenë e tensionuar që nga ardhja e kryetarëve të rinj në komunat veriore të vendit.
Nga protestat e organizuara nga lokalët serbë, pati edhe dhunë fizike ndaj gazetarëve e ushtarëve të misionit të NATO-s.