Suad Sahiti është pa skuadër.

Futbollisti nga Kosova e ka shkëputur kontratën me ekipin e Shibenikut.

Sahiti kishte kërkuar shkëputjen e kontratës nga Federata e Futbollit të Kroacisë dhe kërkesa e tij është aprovuar.

Arsyeja pse ai kërkoi diçka të tillë është se skuadra e Shibenikut e kishte suspenduar muaj më parë – sepse Sahiti refuzoi vazhdimin e kontratës.

Se ku do të jetë e ardhmja e tij nuk dihet ende.

Sahiti ka një CV të gjatë, pasi të kaluarën ka djersitur fanellat e skuadrave si Zrinjski, Wisla Plock, Septemvri Sofia, Larisa, Skënderbeu e Rabotniçki.