Një person ka vdekur si pasojë e një aksidenti që ka ndodhur në fshatin Budakovë të Suharekës.
Rasti ka ndodhur të hënën pasdite.
Lidhur me rastin viktima është dërguar në emergjencë në Suharekë, nga mjeku kompetent është konstatuar vdekja e tij.
Trupi i tij është dërguar në IML për obduksion, teksa policia ka hapur rast për hetim të vdekjes.
“Suharekë 18.09.2023 – 16:30. Është raportuar se viktima mashkull kosovar kishte humbur kontrollin mbi drejtimin e traktorit dhe ishte rrokullisur, ku si pasojë kishte pësuar lëndime. Lidhur me rastin viktima është dërguar në emergjencë në Suharekë ku nga mjeku kompetent është konstatuar vdekja e tij. Njësitë relevante policore kanë dalë në vendin e ngjarjes, është njoftuar prokurori me urdhërin e të cilit trupi i pajetë i viktimës është dërguar në IML për obduksion”, thuhet në raportin e PK-së.