Sullivan: Bisedime të sinqerta dhe konstruktive me shefin e diplomacisë kineze

Këshilltari i Shtëpisë së Bardhë për Siguri Kombëtare, Jake Sullivan, u takua me ministrin e Jashtëm kinez, Wang Yi, në Maltë këtë fundjavë

Këshilltari i Shtëpisë së Bardhë për Siguri Kombëtare, Jake Sullivan, u takua me ministrin e Jashtëm kinez, Wang Yi, në Maltë këtë fundjavë, njoftuan të dielën Pekini dhe Uashingtoni, ndërsa dy ekonomitë më të mëdha të botës kërkojnë të stabilizojnë marrëdhëniet e trazuara.

Të dy palët zhvilluan bisedime “të sinqerta, thelbësore dhe konstruktive” gjatë disa takimeve të mbajtura më 16 dhe 17 shtator, sipas deklaratave të veçanta të dielën nga Shtëpia e Bardhë dhe Ministria e Jashtme e Kinës.

Takimi i Sullivan me Wang ishte i fundit në një seri diskutimesh të nivelit të lartë midis zyrtarëve amerikanë dhe kinezë, që mund të hedhin bazat për një takim të presidentit Joe Biden dhe presidentit kinez Xi Jinping më vonë këtë vit.

Sullivan u takua për herë të fundit me kryediplomatin Wang në Vjenë në muajin maj.

Ministria e Jashtme e Kinës tha se të dyja palët ranë dakord të vazhdojnë kontaktet e nivelit të lartë dhe të zhvillojnë bisedime dypalëshe mbi çështjet e Azi-Paqësorit, çështjet detare dhe politikën e jashtme.

Shtëpia e Bardhë shtoi se të dyja palët “u angazhuan për të vazhduar këtë kanal strategjik të komunikimit dhe për të vazhduar angazhimin dhe bisedimet shtesë të nivelit të lartë në fushat kryesore në muajt e ardhshëm”./VOA

Shija e redaktorit

Lansohet platforma e-Komuna, Kurti: Drejt një qeverisjeje digjitale me fokus...

Ministria e Administrimit të Pushtetit Lokal ka organizuar të premten ceremoninë e lansimit të shërbimeve të e-Komuna, e cila është pjesë e platformës shtetërore...

ASK: Në Kosovë s’ka rënie të madhe të numrit të...

Procesi i regjistrimit të popullsisë në Kosovë përfundon këtë të premte, pas fillimit të tij më 5 prill, rezultatet preliminare të të cilit pritet...

Osmani bisedon me homologun gjerman, diskuton rëndësinë e anëtarësimit të...

Presidentja e Kosovës, Vjosa Osmani, të martën mbrëma ka zhvilluar një bisedë telefonike me homologun gjerman, Frank-Walter Steinmeier. Në një postim në rrjetin social "X",...

Të fundit nga rubrika