Një sulm me armë në një shkollë në provincën juglindore të Turqisë, Sanliurfa, ka lënë të plagosur të paktën 16 persona, përfshirë nxënës dhe mësues, kanë bërë të ditur autoritetet lokale.
Sipas guvernatorit Hasan Sildak, sulmuesi – një 19-vjeçar ish-nxënës i shkollës – hapi zjarr me pushkë ndaj nxënësve dhe stafit, duke shkaktuar panik në ambientet shkollore.
Të plagosurit janë dërguar menjëherë në spitalin e distriktit Siverek, ku 12 prej tyre vazhdojnë të marrin trajtim mjekësor.
Guvernatori konfirmoi se sulmuesi i mori jetën vetes në vendngjarje, kur forcat e policisë tentuan ta arrestonin.
Në vijim, autoritetet turke kanë nisur hetimet për të sqaruar motivet e sulmit.