Dy persona janë arrestuar të mërkurën e 19 prillit, pas një sulmi ndaj personit zyrtar në fshatin Debërllde në Viti.
Ata nuk kanë ndaluar në pikën e kontrollit, duke i detyruar Policinë e Kosovës që t’i ndjekin.
Pas ndjekjes policia ka arritur ta ndalojë kamionin me të cilin po lëviznin të dyshuarit dhe njëri prej tyre e kishte sulmuar një zyrtar policor.
Në raportin 24-orësh të policisë thuhet se gjatë kontrollit në kamionin e të dyshuarve janë gjetur 11 krerë gjedhe që dyshohet se i kishin futur ilegalisht nga Maqedonia e Veriut.
“Janë arrestuar dy të dyshuar kosovarë për arsye se nuk u i ishin ndaluar zyrtarëve policorë në një pikë kontrolli. Pas ndjekjes policia ka rritur ta ndalojë kamionin me të cilin po lëviznin të dyshuarit dhe njëri prej tyre e kishte sulmuar një zyrtar policor. Gjatë kontrollit në kamionin e të dyshuarve janë gjetur 11 krerë gjedhe që dyshohet se i kishin futur ilegalisht nga Maqedonia e Veriut”, thuhet në raport.
Me vendim të prokurorit, kamioni dhe kafshët i janë dërguar doganës, ndërsa të dyshuarit pas intervistimit janë dërguar në mbajtje.