Sulme ajrore izraelite në lindje të Libanit, vriten disa anëtarë të Hezbollahut
Sulmet ajrore izraelite në lindje të Libanit kanë vrarë tetë anëtarë të grupit militant Hezbollah, përfshirë disa zyrtarë lokalë, thanë të shtunën dy zyrtarë të grupit. Ministria e Shëndetësisë e Libanit njoftoi se numri i të vdekurve ka arritur në 10 persona, por nuk bëri dallim mes militantëve dhe civilëve, shkruan AP, transmeton Dukagjini. Sipas […]
Sulmet ajrore izraelite në lindje të Libanit kanë vrarë tetë anëtarë të grupit militant Hezbollah, përfshirë disa zyrtarë lokalë, thanë të shtunën dy zyrtarë të grupit.
Ministria e Shëndetësisë e Libanit njoftoi se numri i të vdekurve ka arritur në 10 persona, por nuk bëri dallim mes militantëve dhe civilëve, shkruan AP, transmeton Dukagjini.
Sipas zyrtarëve të Hezbollahut, tetë militantët u vranë nga sulmet pranë fshatit Rayak, në verilindje të Libanit, vonë të premten. Ata folën në kushte anonimiteti, pasi nuk ishin të autorizuar të jepnin detaje për media.
Një ekip i Associated Press që vizitoi vendin e sulmit të shtunën në mëngjes raportoi se kati i sipërm i një ndërtese trekatëshe ishte shkatërruar plotësisht.
Ushtria izraelite deklaroi të shtunën se disa anëtarë të njësisë së raketave të Hezbollahut, në tri qendra të ndryshme komanduese në zonën e Baalbekut në Liban, ishin “eliminuar”.
Sipas ushtrisë izraelite, anëtarët e vrarë të Hezbollahut ishin identifikuar “si të përfshirë në përshpejtimin e përgatitjeve dhe procesit të forcimit të kapaciteteve, duke planifikuar sulme me zjarr drejt Izraelit”.
Njëri prej zyrtarëve të Hezbollahut tha se tre nga të vrarët ishin komandantë lokalë dhe i identifikoi ata si Ali al-Moussawi, Mohammed al-Moussawi dhe Hussein Yaghi.















