Autoritetet ukrainase kanë paralajmëruar njerëzit në kryeqytetin Kiev, që të presin ndërprerje më të gjata të energjisë, tëë cilat do të zgjasin më shumë se katër orë, për shkak të sulmeve ruse në infrastrukturën energjetike.
Ndërprerjet e vazhdueshme po godasin jo vëtem Kievin, por edhe rajonet qendrore të Ukrainës, duke përfshirë qytetin Dnipros.
Këtë muaj Rusia ka lëshuar dhjetëra raketa dhe dronë të prodhuar nga Irani.
Infrastruktura energjetike e Ukrainës po goditet nga sulmet ajrore. Ndërsa, Zelensky ka thënë se rreth një e treta e termocentraleve të vendin janë shkatërruar, shkruan BBC-ja.
Rajoni i Kievit ka humbur afro 30 % të kapacitetit të tij të energjisë, ka thënë kompania private e energjisë DTEK.
“Fatkeqësisht, shkalla e kufizimeve është e rëndësishme, shumë më e madhe se sa ishte më parë”, ka thënë drejtori i DTEK, Dmytro Sakharuk.
Ndërprerjet e energjisë kanë nënkuptuar frenimin e përdorimit të dritave të rrugëve dhe transportit publik me energji elektrike, përveç shqetësimit në shtëpitë e njerëzve.
Njashtu edhe qyteti tjetër i Ukrainës, Kharkiv, i dëmtuar rëndë nga bombardimet ruse, po përballet me ndërprerje të gjata të energjisë, së bashku me qytetet Zhytomyr, Poltava dhe Chernihiv.