Presidentja e Komisionit Evropian, Ursula von der Leyen, ka reaguar lidhur me të shtënat me armë zjarri në një universitet në Pragë.
Von der Leyen është shprehur e tronditur lidhur me këtë rast, derisa ka shprehur ngushëllimet e saj për familjet e viktimave.
“Të tronditur nga dhuna e pakuptimtë e të shtënave që mori disa jetë njerëzish sot në Pragë. Unë shpreh ngushëllimet e mia më të thella për familjet e viktimave dhe për popullin çek në tërësi. Ne qëndrojmë dhe vajtojmë me ju”, ka shkruar presidentja e Komisionit Evropian në platformën X.
Autoritetet çeke thonë se mbi 15 persona janë vrarë dhe dhjetëra janë plagosur nga të shtënat me armë zjarri në një universitet në Pragë.
Lexo dhe: Mbi 15 të vrarë nga sulmi me armë zjarri në universitetin e Pragës
Policia ka thënë se personi i armatosur, gjithashtu, ishte “eliminuar” pas sulmit në Universitetin Charles, në sheshin Jan Palach në qendër të qytetit.
Kryeministri i Republikës Çeke, Petr Fiala, ka thënë se kishte anuluar angazhimet e ardhshme në dritën e “ngjarjeve tragjike”.