Përfaqësuesi i lartë i Bashkimit Evropian për Punë të Jashtme dhe Politikë të Sigurisë, Josep Borrell, ka raportuar se ambasadori i BE-së në Sudan është sulmuar në rezidencën e tij. Sipas Borrell-it, një gjë e tillë përbën shkelje të rëndë të Konventës së Vjenës.
Ai ka shtuar se siguria e ambienteve diplomatike dhe personelit është një përgjegjësi kryesore e autoriteteve sudaneze dhe një detyrim ligjor sipas ligjit ndërkombëtar.
“Pak orë më parë, ambasadori i BE-së në Sudan u sulmua në rezidencën e tij. Kjo përbën një shkelje të rëndë të Konventës së Vjenës. Siguria e ambienteve diplomatike dhe e personelit është një përgjegjësi kryesore e autoriteteve sudaneze dhe një detyrim sipas ligjit ndërkombëtar”, ka reaguar Borrell në Twitter.
A few hours ago, the EU Ambassador in #Sudan was assaulted in his own residency.
This constitues a gross violation of the Vienna Convention. Security of diplomatic premises and staff is a primary responsibility of Sudanese authorities and an obligation under international law.
— Josep Borrell Fontelles (@JosepBorrellF) April 17, 2023
Ndërsa Konventa e Vjenës është një traktat ndërkombëtar që përshkruan rregullat dhe udhëzimet për marrëdhëniet diplomatike midis vendeve dhe përcakton kuadrin për marrëdhëniet diplomatike, duke përfshirë privilegjet dhe imunitetet që u jepen diplomatëve, si dhe rregullat për krijimin dhe funksionimin e ambasadave dhe konsullatave.
Konventa përcakton gjithashtu detyrimet e vendeve pritëse për të mbrojtur misionet dhe personelin diplomatik nga dëmtimi ose ndërhyrja.