Kryetari i Gjykatës së Elbasanit, Ledio Sulkuqi, është sulmuar nga disa persona mbrëmjen e së dielës.
Ai është goditur disa herë me shufër, derisa Sulkuqi ishte duke ecur i vetëm në rrugë, përcjell A2 CNN.
Sulkuqi ishte duke u kthyer për në shtëpi derisa ngjarja ka ndodhur në një distancë jo më larg se 150 metra nga Drejtoria e Policisë së Elbasanit.
Pas goditjeve të marra, Sulkuqi është dërguar me urgjencë në spital, ku edhe ndodhet nën kujdesin e mjekëve.
Nga ana tjetër, policia pas sekuestrimit të kamerave të sigurisë në zonën ku ka ndodhur sulmi, a shoqëruar deri më tani disa persona si të dyshuar në lidhje me rastin.
