I dyshuari për dhunimin e 11-vjeçares, E.R, është sulmuar nga të burgosurit. Ai para dy ditësh dhe ishte transferuar në Burgun e Sigurisë së Lartë në Dyz.
Këtë për Portali Dukagjini e ka konfirmuar mbrojtësi i të dyshuarit, avokati Fitim Limani, i cili ka thënë se E.R nuk ka pësuar lëndime, pasi gardianët e burgut kanë qenë të shpejtë në reagimin e tyre.
“Në bazë të informacioneve që i kam si avokat i Ekrem Regjepit, i njëjti është sulmuar në Qendrën e Paraburgimit në Prishtinë dhe është transferuar në Qendrën e Paraburgimit të Sigurisë së Lartë në Dyz”, ka thënë avokati i E.R, Fitim Limani.
Ndryshe, E.R bashkë me Sh.K, G.R, G.J dhe Xh.S dyshohen për dhunimin e të miturës në gusht të këtij viti. Ata, tashmë, gjenden në masën e paraburgimit prej 30 ditësh.