Policia e Kosovës ka njoftuar se një gazetar serb është sulmuar në liqenin e Ujmanit, në fshatin Kopilovicë të komunës së Zubin Potokut, të hënën rreth orës 11:00.
Sipas njoftimit të policisë, gazetari ishte në liqen për të bërë fotografi, kur u sulmua nga një i dyshuar mashkull serb. I dyshuari i mori telefonin e gazetarit dhe e kanosi atë.
Fatmirësisht, telefoni i viktimës u gjet pranë vendit të ngjarjes dhe iu kthye gazetarit.
“Viktima mashkull/serb gazetar ka raportuar se derisa ka qenë duke bërë fotografi në liqenin e Ujmanit është sulmuar nga një i dyshuar mashkull k/serb, i është marrë telefoni dhe është kanosur. Afër vendit të ngjarjes është gjetur telefoni i viktimës dhe i është kthyer atij”, thuhet në njoftimin e policisë.
Policia mori masa menjëherë dhe arrestoi të dyshuarin.
Pas intervistimit të tij në prani të prokurorit, ai u lirua në procedurë të rregullt.
Në këtë fazë, motivet e sulmit nuk janë bërë të ditura.