Sulmohet Policia e Kosovës në Zveçan

Pamje nga Zveçani

Një grup kriminal brenda protestuesve serbë në Zveçan, e ka sulmuar me mjete të forta Policinë e Kosovë në komunën e Zveçanit.

Lajmin për RTV Dukagjinin e ka konfirmuar zëdhënësi i Policisë së Kosovës, Baki Kelani, i cili bëri të ditur se si pasojë e sulmit me gurë, veturës së policisë i është thyer xhami.

Sipas tij, nga ky rast nuk ka mbetur asnjë person i lënduar.

“Mund të konfirmojmë se një veturë policore, e cila ka qenë me detyrë zyrtare duke patrulluar në drejtim të komunës së Zveçanit, është penguar dhe sulmuar me mjete te forta nga protestuesit. Si pasojë e sulmit me mjete të forta (gurë), veturës i është thyer xhami, e cila më pas është larguar nga ai lokacion. Nuk raportohet për të lënduar, përderisa rasti është duke u hetuar”, ka thënë ai.

Protestuesit serbë, janë duke kërkuar që kryetarët e rinj të komunave veriore, të largohen nga objektet komunale. Kjo nuk është hera e parë që grupet kriminale ushtrojnë dhunë ndaj Policisë së Kosovës, në veri. Ditë më parë, ata i kanë sulmuar edhe trupat e KFOR-it, duke i lënë rreth 30 të lënduar.

Për shkak të këtyre tensioneve, ShBA dhe BE, kanë kërkuar të shpallen zgjedhjet në atë pjesë të vendit në mënyrë që situata të depërshkallëzohet.

Ata e kanë fajësuar kryeministrin Albin Kurti, për këto tensione duke e akuzuar se nuk është koordinuar me ta.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika