Është arrestuar një burrë kosovar, nën dyshimin se ka sulmuar fizikisht bashkëshorten e më pas ia ka marrë edhe foshnjën shtatëmuajshe.

Në raportin 24-orësh të Policisë së Kosovës, bëhet e ditur se foshnja i është kthyer së ëmës, gjersa i dyshuari është dërguar në mbajtje.

”Është arrestuar i dyshuari mashkull  kosovar nën dyshimin se i njëjti e ka sulmuar fizikisht  bashkëshorten  e tij, viktimën femër kosovare dhe ia kanë marr  fëmijën shtatë muajsh viktimës. Viktima ka pranuar tretman mjekësor,  me vendim të prokurorit fëmija i është  kthyer viktimës ndërsa i dyshuari është dërguar në mbajtje”, thuhet në raport.

Bëhet e ditur se ngjarja ka ndodhur mbrëmjen e së premtes, në Lipjan.