Suspendohet drejtori rajonal i policisë në Mitrovicën e Veriut

Është suspenduar drejtori rajonal i policisë në veri të Mitrovicës pasi që i njëjti refuzoi të zbatoj vendimin e Qeverisë së Kosovës për shpërndarjen e fletave qortuese. Këtë e kërkoi Inspektorati policor dhe ia zbatoi Policia e Kosovës

Foto ilustrim

Ani pse paguhet nga taksat e qytetarëve të Republikës së Kosovës një drejtor policie tentoi të mos zbatoj rregullat e shtetit të vet.

Behet fjalë për Drejtorin e Policisë së Kosovës për rajonin e veriut, Nenad Djuriç i cili refuzoi të zbatoj vendimin për shpërndarjen e qortimeve për cka edhe u suspendua.

“Është suspenduar nga ushtrimi i detyrave të përgjithshme të punës dhe autorizimeve policore drejtori rajonal i Mitrovicës së Veriut, për mosrealizim e autorizimeve ligjore dhe zbatimin e  vendimeve zyrtare. Suspendimi i tij është mbështetur në autorizimet ligjore, udhëzimin administrativ Nr.04/19”.

Këtë vendim Polica e mori tek pas një rekomandimi nga ana e Inspektoratit Policor të cilët treguan edhe arsyet se pse ka kërkuar suspendimin.

“Drejtori Rajonal i Policisë së Kosovës në Mitrovicës së Veriut dyshohet se ka kryer veprat penale “Sabotim” dhe “Thirrja për rezistencë” të parapara në Kodin Penal të Republikës së Kosovës. Krahas hetimit penal do të shikohet edhe përgjegjësia administrative”.

Këtij lajmi i është gëzuar asambleisti në Mitrovicën Veriore, Skender Sadiku, i cili tha se duan të ndjehen të barabartë në veri të vendit.

“Ne jemi të lodhur, është cështja e 23 viteve prej luftës në Kosovë, shto këtu vitet e 80-90-ta  kemi jetuar në tensione dhe kjo ka afektuar mjaftë në jetët e qyetarëve të Mitrovicës dhe jetësisht duam normalitet, duam që të jetojmë të barabartë dhe të jetojmë si të gjithë qytetarët e Republikës së Kosovës”, ka thënë Sadiku.

Qeveria e Kosovës deri më 21 nëntor do të qortoj qytetarët të cilët udhëtojnë me targa të lëshuara nga Serbia.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika