Suspendohet nga puna ish-drejtori i Përgjithshëm i RTK-së Mentor Shala

Ish-drejtori i Përgjithshëm i Radio Televizionit të Kosovës, Mentor Shala është suspenduar nga puna të premtën e 29 korrikut ku sipas tij nën kërcënimin e Drejtorit të Përgjithshëm, Komisioni Disiplinor në mënyrë të jashtëligjshme ka marrë vendim për suspendimin e tij

Mnetor Shala, ish-drejtori i Përgjithshëm i Radio Televizionit të Kosovës

Mentor Shala, ish-drejtori i Përgjithshëm i Radio Televizionit të Kosovës, të premtën e 29 korrikut përmes një njoftimi në rrjetin e tij social në Facebook, ka njoftuar se është suspenduar nga puna në Radio Televizionin e Kosovës (RTK).

“Për t’u bërë anëtar i Bordit të RTK-së dhe pastaj Drejtor i Përgjithshëm kushti kryesor ka qenë me e largu Mentor Shalën prej RTK-së se është i ‘rrezikshëm’. Këtë më kanë thanë disa persona shumë të afërt me ekipin e Presidentes dhe në ekipin e Kryeministrit”, ka shkruar Mentor Shala.

Në versionin e tij thuhet se largimi i Shalës nga RTK-ja ka qenë kushti për secilin që ka dashur të bëhet anëtar i Bordit të transmetuesit publik apo të marrë pozitën e Drejtorit të Përgjithshëm të RTK-së.

“Nën kërcënimin e Drejtorit të Përgjithshëm (kam dëshmi), Komisioni Disiplinor jashtëligjshëm dje ka marrë vendim për suspendimin tim që pritet të bëhet publik sot. Disa ditë më herët po i njëjti Komision për të njëjtin rast ka deklaruar se nuk janë kompetent me u marrë me vendimet e ish Drejtorit të Përgjithshëm”.

Sipas ish-drejtorit të Përgjithshëm të  Radio Televizionit të Kosovës rrethanat për suspendimin nga puna ՞shtë arritur përmes presionit ndaj prokurorisë, policisë, gjykatës.

“Mbi 100 artikuj janë shkruar kundër meje dhe familjes time ku 99% e tyre janë me qasje shumë negative dhe nivel shumë të ulët profesional, të cilat janë dëshmuar që kanë qenë të rrejshme, në gazetën Koha Ditore dhe me dhjetëra storie televizive e shkrime në KTV dhe në portalin e grupit të njëjtë”, ka vazhduar ai.

Postimi i ish-drejtorit të Përgjithshëm të Radio Televizionit të Kosovës, Mentor Shala në Facebook

 

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika