Sveçla: Interpoli ka lëshuar fletarrest për terroristët që kryen sulmin në Banjskë
Ministri i Punëve të Brendshme, Xhelal Sveçla, ka bërë të ditur se Interpoli ka insertuar në sistemin e urdhërarrestit ndërkombëtar të gjithë personat e dyshuar që kanë realizuar sulmin terrorit të 24-të shtatorit në Banjskë të Zveçanit. Kështu ka bërë të ditur ministri Sveçla përmes një postimi në rrjetin social Facebook. Sveçla ka thënë se […]
Ministri i Punëve të Brendshme, Xhelal Sveçla, ka bërë të ditur se Interpoli ka insertuar në sistemin e urdhërarrestit ndërkombëtar të gjithë personat e dyshuar që kanë realizuar sulmin terrorit të 24-të shtatorit në Banjskë të Zveçanit.
Kështu ka bërë të ditur ministri Sveçla përmes një postimi në rrjetin social Facebook.
Sveçla ka thënë se “ky është një hap i rëndësishëm dhe si i tillë ka efektin e plotë atëherë kur Serbia e cila është duke strehuar dhe akomoduar këta terroristë, i dorëzon tek autoritetet tona për t’u përgjigjur para drejtësisë”.
Sveçla thotë se llogaridhënia për organizimin dhe realizimin e sulmit terrorist të 24 shtatorit ku mbeti i vrarë Rreshter Afrim Bunjaku është e domosdoshme.
“Ndëshkimi për urdhërdhënësit, organizatorët dhe ekzekutuesit e këtij sulmi duhet të ndodhë sa më parë, si garancë e mos përsëritjes së akteve të ngjajshme terroriste” përfundoi ai.
Ndryshe, më 6 dhjetor të vitit të kaluar, INTERPOL-i pati lëshuar urdhërarrest ndërkombëtar për terroristin Milan Radoiçiq, i cili pati deklaruar se e kishte udhëhequr sulmin terrorist të 24 shtatorit.















