Ministri në detyrë i Punëve të Brendshme, Xhelal Sveçla, ka theksuar përkushtimin e Republikës së Kosovës për integrim euroatlantik, duke e cilësuar këtë rrugë si thelbësore për të ardhmen e vendit.
Sveçla, përmes një postimi në profilin e tij në rrjetin social Facebook, ka shkruar se Kosova mbetet e vendosur dhe e angazhuar drejt anëtarësimit në Bashkimi Evropian dhe në NATO, si një domosdoshmëri strategjike.
“Republika e Kosovës është e përcaktuar, e angazhuar dhe e përkushtuar në rrugën e saj drejt antarësimit në Bashkimin Evropian dhe në NATO, si një domosdoshmëri por edhe si garancia më e mirë për stabilitetin dhe sigurinë afatgjate në rajon në njërën anë dhe zhvillimin e qëndrueshëm në anën tjetër”, ka shkruar Sveçla.