Sveçla viziton Gjakovën e Rahovecin: Ofruam përkrahjen e parezervë me qëllim të tejkalimit të situatës

Vërshimet e shkaktuara nga reshjet e mëdha të shiut kanë prekur dy komuna të Kosovës. Gjakova dhe Rahoveci janë qytetet të cilat gjatë ditës janë përballur me situata jo të mira për shkak të motit të ligë. Ndërkaq ministri Xhelal Sveçla ka vizituar qytetarët dhe ka ofruar ndihmë për tejkalimin e kësaj situate

Ministri i Punëve të Brendshme, Xhelal Sveçla në vizitë pas vërshimeve në Gjakovë e Rahovec

Ministri i Punëve të Brendshme, Xhelal Sveçla ka vizituar komunën e Gjakovës dhe të Rahovecit pas vërshimeve të shkaktuara nga të reshurat e shiut mëngjesin e së shtunës së 17 shtatorit.

Sveçla përmes një postimi në Facebook ka bërë të ditur se janë të gatshëm të ndihmojnë qytetarët për kalimin e kësaj situate.

“Me kryetarin e Komunës së Gjakovës, Ardian Gjini vizituam familjet në lagjet të cilat janë të prekura nga vërshimet. Gjatë kësaj vizite kuptuam nevojat e qytetarëve dhe ofruam përkrahjen e parezervë të organizmave reagues me qëllim të tejkalimit të situatës”, ka shkruar ministri.

Ndërkaq në komunën e Rahovecit, ka vizituar një fshat për të parë nga afër dëmet e shkaktuara nga reshjet e mëngjesit.

Pamje nga vërshimet

“Me kryetarin e Komunës së Rahovecit, Smajl Latifi, vizituam fshatin Fortesë ku u njoftuam për dëmet të cilat janë shkaktuar nga reshjet e mëdha të shiut”, ka vijuar ai.

Më tej ministri Sveçla ka thënë se MPB-ja përmes Agjencisë për Menaxhimin e Emergjencave ka ofruar kontributin me zjarrfikës të cilët janë angazhuar në evakuim të familjeve në lagje të ndryshme.

Ndërkaq Policia e Kosovës dhe FSK- ja janë në koordinim të ngushtë për t’iu përgjigjur kërkesave dhe nevojave të qytetarëve gjatë tërë kohës.

Vërshimet në Gjakovë dhe Rahovec, fillon evakuimi i familjeve

Shija e redaktorit

Lansohet platforma e-Komuna, Kurti: Drejt një qeverisjeje digjitale me fokus...

Ministria e Administrimit të Pushtetit Lokal ka organizuar të premten ceremoninë e lansimit të shërbimeve të e-Komuna, e cila është pjesë e platformës shtetërore...

ASK: Në Kosovë s’ka rënie të madhe të numrit të...

Procesi i regjistrimit të popullsisë në Kosovë përfundon këtë të premte, pas fillimit të tij më 5 prill, rezultatet preliminare të të cilit pritet...

Osmani bisedon me homologun gjerman, diskuton rëndësinë e anëtarësimit të...

Presidentja e Kosovës, Vjosa Osmani, të martën mbrëma ka zhvilluar një bisedë telefonike me homologun gjerman, Frank-Walter Steinmeier. Në një postim në rrjetin social "X",...

Të fundit nga rubrika