Komisioni Qendror i Zgjedhjeve (KQZ) ka caktuar 21 prillin si datë për votimin për shkarkim të kryetarëve në katër komunat veriore.

Në lidhje me këtë ka reaguar shefi i Zyrës së Bashkimit Evropian (BE) në Kosovë, Tomas Szunyog duke thënë se BE-ja e vlerëson procesin e verifikimit të nënshkrimeve nga KQZ-ja si dhe vendimin që u mor sot.

Szunyog ka thënë se KQZ-së tashmë duhet të bëjë përgatitjet e nevojshme për të krijuar kushte për votim të lirë e të drejtë.

“Tani është thelbësore që KQZ-ja të bëjë përgatitjet e nevojshme për të siguruar proces të qetë dhe të krijojë kushte për votim të lirë dhe të drejtë”, ka shkruar Szunyog në “X”.

Appreciate @KQZKosova's thorough verification process of signatures & their decision to schedule the recall vote for the removal of mayors.

It's now crucial for CEC to make necessary preparations to ensure a smooth process & to create conditions for free and fair voting.

— Ambassador Tomáš Szunyog (@EUAmbKS) March 8, 2024

Ai ka theksuar se BE-ja është e gatshme të ofrojë mbështetje gjatë këtij procesi.