Shefi i Zyrës së Bashkimit Evropian në Kosovë, Tomas Szunyog, në takimin me ministrin e Administrimit të Pushtetit Lokal, Elbert Krasniqi, ka biseduar për zgjedhjet e parakohshme në veri të vendit.

Szunyog ka ritheksuar se zgjedhjet duhet të organizohen sa më shpejt në katër komunat veriore dhe me pjesëmarrjen e plotë e të pakushtëzuar të serbëve të Kosovës.

Kështu shkroi ai në platformën “X”.

“Diskutuam zgjedhjet e parakohshme në veri të Kosovës me ministrin Elbert Krasniqi. Ritheksova se zgjedhjet e parakohshme duhet të organizohen sa më shpejt në katër komuna dhe në mënyrë plotësisht gjithëpërfshirëse me pjesëmarrjen e plotë dhe të pakushtëzuar të serbëve të Kosovës”, ka shkruar Szunyog.

Discussed early elections in northern #Kosovo with Minister @elbertkrasniqi.
Reiterated that early elections should be organized as soon as possible in four municipalities & in a fully inclusive manner with the full & unconditional participation of Kosovo Serbs. pic.twitter.com/HFIAMv7pw1

— Ambassador Tomáš Szunyog (@EUAmbKS) August 21, 2023