Shefi i Grupit Parlamentar të AAK-së, Besnik Tahiri, e ka akuzuar Qeverinë e Kosovës se për shkak të politikave të saja, sipas tij, të dëmshme, njerëzit çdo ditë po ikin nga Kosova.
Ai para gazetarëve tha se Kosovën nuk po e lëshojnë vetëm të papunësuarit, por edhe të punësuarit e sektorit publik, të cilët, sipas tij, janë në gjendje jo të mirë.
“Nuk po ikin vetëm njerëzit e papunë, janë duke lypur mundësi me dalë jashtë njerëz nga sektori publik, për shkak se është humbur shpresa. Bllokada që po ndodh me paratë publike, bllokada e parlamentit, mosinvestimi dhe mostrajtimi i asnjë teme që lidhet me mirëqenie i bën njerëzit të ikin nga Kosova”, ka thënë ai.
Ndryshe, për shkak të mungesës së kuorumit të Kryesisë së Kuvendit, këtë javë nuk do të ketë seancë plenare.