Shefi i Grupit Parlamentar të AAK-së, Besnik Tahiri, ka thënë se vlerësimi që BE-ja i ka dhënë Qeverisë Kurti në Raportin e fundit të Progresit është më i dobëti që ka marrë Kosova ndonjëherë.
“Është vlerësimi më i dobët e më i rreptë që ndonjë qeveri e ka marrë ndonjëherë. Kjo, pasi Kurti pati fjalë të mëdha për integrimin evropian, e në atë kohë pati vendosur Besnik Bislimi. E unë në atë kohë i pata thënë, kujdes kryeministër se i ke jep shumë punë Bislimit. Nuk mundesh me qenë edhe zëvendëskryeministër edhe për integrim evropian, pasi dihet se ka shumë punë”, ka thënë Tahiri.
Sipas tij, prej fillimit ky proces është nisur gabim.
“Kryeministër, ky raport ia ka dhënë një diagnozë politikës suaj. Ka thënë se kjo Qeveri është qeveri e regresit për integrime evropiane”, ka vijuar Tahiri.