Tahiri: Nuk ka ndodhur asnjëherë që pushteti ta bllokojë themelimin i komisioneve

Partia Demokratike e Kosovës (PDK), pas mbledhjes së Kryesisë së Kuvendit, ka deklaruar se përsëri kanë kërkuar nga partia në pushtet themelimin e komisionit hetimor për energji. Sipas Abelard Tahirit, asnjëherë më parë nuk ka ndodhur që pushteti ta bllokojë themelimin e ndonjë komisioni

Abelard Tahiri, Shef i Grupit Parlamentar të PDK-së

Shefi i Grupit Parlamentar të Partisë Demokratike të Kosovës, Abelard Tahiri, pas mbledhjes së kryesisë së Kuvendit, e cila zgjati afërsisht dy orë, ka deklaruar se nuk do të zmbrapsen nga qëllimi për ta themeluar komisionin hetimor për krizën me energji.

Sipas Tahirit, në mbledhje të kryesisë, i kanë dhënë të gjitha argumentet se pse ky komision duhet të themelohet, por që nuk kanë gjetur gjuhë të përbashkët me përfaqësuesit e partisë në pushtet.

“U bënë 2 orë mbledhje dhe realisht e tëra ishte për Komisionin Hetimor. Kemi pasur debat të gjatë, argumente pse duhet të themelohet një komision hetimor për çdo procedurë të blerjes së energjisë, pastaj punësimet në KEK. Kjo kërkesë e PDK-së për themelimin e komisionit nuk daton me kërkesën e fundit, por kemi pasur edhe kërkesë më herët hetimin e blerjes së energjisë dhe hetimin e punësimeve në KEK ishte rrëzuar me votë nga VV”, ka deklaruar ai.

Kryesia e Kuvendit

Deputeti i PDK-së, ka përsëritur se tashmë i kanë gati 40 nënshkrime, dhe se iniciuesit e vetëm për themelimin e këtij komisioni janë vetë PDK-ja, dhe asnjë parti tjetër.

Ai ka theksuar, se janë në gjendje t’ia japin rolin e kryesuesit, përfaqësuesve të partisë në pushtet, por sipas tij, kjo nuk është e mundur sepse nuk e lejon ligji.

Tahiri ka shtuar se është e pakuptueshme që të bllokohet themelimi i komisionit vetëm për shkaqe procedurale.

“Iniciues të këtij komisioni është PDK nuk jemi tri grupe dhe kemi nënshkrime nga katër grupe parlamentare. Grupi i PDK është iniciues si këtij procesi me 40 nënshkrime. Cili është roli i kryesuesit që VV-së po i pengon kaq shumë. Ne jemi në situatë duke bllokuar një hetim. 100 milionë euro tregon qartë për pozicionin e tyre. Ne propozuam me 6 nënshkrime dhe e rrëzuan. Kërkesa nuk tërhiqet në asnjë mënyrë”, ka thënë Tahiri.

Sipas përfaqësuesit të PDK-së, është hera e parë që partia në pushtet e bllokon themelimin e një komisioni hetimor.

Në fund,  Tahiri ka deklaruar se nesër (të premtën) do të dorëzojnë kallëzim penal në Prokurori ndaj Bordit të Zyrës së Rregullatorit për Energji (ZRRE), për mosrespektim të vendimit të Gjykatës Themelore, e cila e ka cilësuar si të kundërligjshme vendimin e kësaj zyre për ngritjen e çmimit të faturave të energjisë

Shija e redaktorit

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Blinken duartroket rolin e Osmanit për hapjen e qendrës rajonale...

Sekretari amerikan i Shtetit, Antony Blinken, ka vlerësuar rolin e presidentes së Kosovës, Vjosa Osmani, në hapjen e qendrës rajonale “Gratë, Paqja dhe Siguria”...

Të fundit nga rubrika