Shefi i Grupit parlamentar të Partisë Demokratike të Kosovës (PDK), Abelard Tahiri, ka shprehur zhgënjimin e tij, pasi për të tretën herë Lëvizja Vetëvendosje nuk pranoi të diskutohet për rezolutën e PDK-së që kishte të bënte me fuqizimin e Policisë së Kosovës.
Tahiri ka shprehur keqardhjen për mosmiratimin e rezolutës, duke thënë se Policia e Kosovës po poshtrohet nga partia në pushtet.
“PDK-ja është e vendosur të vazhdojë luftën për sigurinë dhe për të krijuar një mjedis më të sigurt për qytetarët e Kosovës”, ka përfunduar Tahiri.
Ai ka theksuar se PDK nuk do të dorëzohet dhe vazhdon të shprehë përkushtimin e saj për fuqizimin e Policisë së Kosovës.