Tahiri për anëtarësimin në KiE: Është dështim më pak i Gërvallës e më shumë i binomit Osmani-Kurti

Shefi i Grupit Parlamentar të PDK-së, Abelard Tahiri, ka thënë se Qeveria e Kosovës ka dështuar të vërë në agjendë aplikimin për anëtarësim të Kosovës në Këshillin e Evropës

Shefi i Grupit Parlamentar të PDK-së, Abelard Tahiri, ka reaguar përmes një postimi në llogarinë e tij në Facebook, duke thënë se Qeveria e Kosovës ka dështuar të vendosë në agjendë aplikimin për anëtarësim në Këshillin e Evropës.

Ai ka theksuar se deklaratat e Ministrisë së Punëve të Jashtme (MPJ) që ua tregojnë vendeve anëtare të KiE-së kushtet e Këshillit, nuk kanë të bëjnë me kushtëzim, por këto i ka quajtur “dështim nga moskoordinimi”.

“Është fakt i kryer që Qeveria e Kosovës ka dështuar të vërë në agjendë aplikimin për anëtarësim në Këshillin e Evropës. Dhe këtë fakt nuk mund ta fshehin deklaratat politike të MPJ-së, ku në mes tjerash, iu tregohet vendeve anëtare të Këshillit se kushtëzimet qenkan të padrejta e jashtë rregullave të Këshillit. Nuk ka kurrfarë kushtëzimi. Ka thjesht dështim nga moskoordinimi”, ka shkruar Tahiri në llogarinë e tij.

Ndër të tjera, sipas Tahirit, partnerët ndërkombëtarë që kanë ndihmuar Kosovën, janë skeptikë për rrugën e Kosovës sot.

Kësisoj, këtë, Tahiri po e quan dështim të presidentes Osmani, kryeministrit Kurti e ministres Gërvalla.

“Për shkak të kësaj gjendje anemike në politikën e jashtme, sot, partnerët që na kanë ndihmuar në bërjen e shtetit, janë skeptikë nëse vetë shteti ynë e ka të qartë se në çfarë rruge ka marrë drejtim. A se shteti ynë ka mbetur pa drejtim të qartë e pa ide se cilën rrugë duhet ndjekur, kjo tash është dukshme si drita. Ky është dështim më së paku i ministres Gërvalla, e më së shumti i binomit Osmani-Kurti”, ka vijuar Tahiri.

Tutje, Tahiri ka shtuar se ajo që ka nisur para dy vjetësh në politikën e jashtme të Kosovës, tash po i sjell efektet konkrete. Lidhur me këtë, Tahiri “dështimin e qeverisë për vendosje në agjendë të aplikimit për anëtarësim në KiE” e ka quajtur dështim kapital të 20 viteve të fundit.

“Pra, ajo çfarë para dy vitesh ka nisur si degradim i gjithanshëm në politikën e jashtme të Kosovës, tash po prodhon edhe efekte konkrete. Dështimi i qeverisë për të ndërtuar një kohezion të qëndrueshëm dhe koordinim adekuat me partnerët ndërkombëtarë, në mënyrë që Kosova të bëhet anëtare e Këshillit të Evropës, është një ndër dështimet kapitale në 20 vitet e fundit. Aq më tepër, në një rrethanë ku kundërshtarët më të mëdhenj të Kosovës nuk janë më pjesë e këtij Këshilli, si dhe kur një atmosferë e unitetit përballë aksit të së keqes po mbretëron nëpër Evropë, humbja e këtij shansi është e pafalshme”, ka shtuar Tahiri në postimin e tij.

Shija e redaktorit

Trupat e FSK-së arrijnë në Adana, priten me duartrokitje nga...

Kontingjenti i parë i FSK-së në operacionin e kërkim-shpëtimit në zonat e prekura nga tërmeti në Turqi, tashmë ka arritur në Adana. Fondacioni SETA në...

Distria Krasniqi fiton medaljen e artë në garën më prestigjioze...

Xhudistja nga Kosova, Distria Krasniqi ka fituar medaljen e artë në turneun "Grand Slamin", i cili po mbahet në Paris të Francës. Distria nuk ndalon...

Albina Kelmendi dhe familja do të performojnë në natën e...

Shqipëria e cila këtë vit prezantohet nga Albina Kelmendi me familje me këngën “Duje”, do të performojnë në natën e dytë gjysmëfinale, më 11...

Më të lexuarat

‘Rikthehet’ analisti Dardan Gashi në Debat Plus me sondazh të...

Analisti Dardan Gashi, është rikthyer në emisionin Debat Plus në RTV Dukagnini, pasi kishte lëshuar debatin në mënyrë demostrative pas shfaqjes së një sondazhi...

Hapet aplikimi për shtesat për fëmijët e lindur në vitin...

Ministria e Financave, Punës dhe Transfereve ka njoftuar qytetarët se të enjten e 1 shtatorit është hapur aplikimi edhe për fëmijët e lindur nga...

Hapet aplikimi për shtesa për fëmijët e lindur nga viti...

Ministria e Financave, Punës dhe Transfereve ka njoftuar qytetarët të shtunën, për hapjen e aplikimit për fëmijët e lindur nga 1 janari i vitit...

Të fundit nga rubrika