Shefi i Grupit Parlamentar të Aleancës për Ardhmërinë e Kosovës (AAK), Besnik Tahiri, ka thënë se me projektbuxhetin për vitin 2024 Qeveria e Kosovës godet shtyllat vitale të ekonomisë.
Tahiri në një postim në Facebook ka thënë se qeveria buxhetin e ka kthyer në skema sociale, jo për të përmirësuar jetën e pensionistëve e as të të punësuarve në institucione shtetërore, por duke e shpërndarë paranë publike “për qëllime elektorale”.
“Sot, në Kuvend do të diskutohet Buxheti 2024. Me një lexim të kujdesshëm shihet qartë se me këtë dokument qeveria ka goditur shtyllat vitale të ekonomisë, e ka kthyer buxhetin në skema sociale, jo për të përmirësuar jetën e pensionistëve e as të punësuarëve në institucione shtetërore, por duke e çkepur paranë publike për qëllime elektorale. Shpejt ju vie fundi edhe juve, ju shkuan 3 vjet e kryhet edhe viti 2024. Turp”, ka thënë Tahiri.