Tahiri për Qeverinë Kurti “Krejt dhe Drejt Emigrimit”

“Krejt dhe Drejt Emigrimit”, e ka quajtur Shefi i Grupit Parlamentar të Partisë Demokratike të Kosovës, Qeverinë e Kosovës të udhëhequr nga kryeministri, Albin Kurti.

Me anë të një postimi në Facebook, Tahiri ka thënë se, numri i qytetarëve të Kosovës që po kërkojnë viza në ambasada për t’u larguar nga vendi është alarmant.

“Produkti i kësaj paaftësie është Krejt dhe Drejt Emigrimit, por, kostoja e këtij produkti do jetë barrë për vendin me dekada. Është koha e fundit për të ecur me këmbë në tokë e për të reflektuar mbi shkaqet e këtij trendi e për të ofruar zgjidhje. Ose koha më e mirë për të lëshuar rrugë”, ka shkruar Tahiri.

Ai e ka konsideruar shqetësuese largimin e qytetarëve nga vendi.

“Kjo përmasë largimi dhe trendi që po vazhdon me kërkesat për viza është fatkeqësi për vendin, e cila e ka një adresë dhe kjo adresë gjendet në katin e dytë të ndërtesës së qeverisë”, ka shtuar ai.

Deputeti i PDK-së, ka theksuar se ëndrra për Kosovën e zhvilluar ekonomikisht e me një politikë që mundëson punë, arsim e perspektivë “është venitur”.

“Vetëm në katër muajt e fundit 199 mijë e 783 qytetarë apo rreth 11 për qind e popullsisë së Kosovës, kanë kërkuar largimin nga vendi përmes pritjes së vizave pranë ambasadave të huaja”, ka potencuar Tahiri.

Sipas tij, e vetmja shpresë e qytetarëve është largimi, ngase e njëjta “është vjedhur nga një pushtet premtues që s’ka aftësi, ide, plan dhe përkushtim për ta zhvilluar Kosovën”.

Siç thekson Tahiri, të gjitha këto vijnë si pasojë e trajtimit.

“Trajtimi që iu bëhet mjekëve, specialistëve dhe infermierëve, arsimtarëve, policëve e shërbyesve civilë duke i trajtuar me lëmoshë e jo si palë në ndërtimin e kushteve më të mira për punë e shpërblim adekuat. Ndërsa në anën tjetër, pa kurrfarë dialogu social, pa vizion për investime dhe pa asnjë plan për të rinjtë dhe të rejat që studiojnë, janë vetëm disa prej faktorëve që i kontribuojnë kësaj fatkeqësie”, ka shtuar ai.

Ndryshe, paga mesatare bruto në sektorin publik në Kosovë është rreth 620 euro.

Ndërsa, sa i përket sektorit publik ajo qëndron rreth 380 euro.

Ndërkaq, sipas draft-projektligjit për paga, presidentja e Kosovës do ta ketë pagën më të lartë në vend.

Në draftin e përgatitur nga Ministria e Punëve të Brendshme për Ligjin për pagat, kryetari i Kuvendit, Glauk Konjufca dhe kryeministri, Albin Kurti,  pasojnë listën me koeficient 19.

Bashkë me ta është edhe kryetari i Gjykatës Kushtetuese në vlerë të njëjtë.

Nënkryetari i Kuvendit, zëvendëskryeministri dhe zëvendëskryetari i Kushtetueses kanë koeficient 17, ndërsa deputeti, ministri e gjyqtari i Kushtetueses me koeficient 16.

Shija e redaktorit

Ballkani me fitore historike, një hap larg kualifikimit në Ligën...

Ballkani ka fituar ndeshjen ndaj Shkupit në kuadër të play-offit të Ligës së Konferëncës në Stadiumin “Todor Proeski” në kryeqytetin e Maqedonisë së Veriut. Ekipi...

KB Prishtina bëhet pjesë e garës më të re të...

Kryetari i Klubit të Basketbollit Prishtina, Blerand Stavileci ka bërë të ditur se klubi i tij ka marrë ftesën për pjesëmarrje në garën më...

DokuFesti me turistët e huaj, infuzion për ekonominë e Prizrenit

Dhjetëra e mijëra vizitorë vendorë e ndërkombëtarë kanë shkelur rrugëve të qytetit të Prizrenit gjatë javës së fundit. Shkaku i këtij fluksi turistësh në kryeqytetin historik...

Më të lexuarat

“Kemi pritur mjaft, është koha për paqe” thonë qytetarët në...

Grafitet e vendosura dhe patrullat e Policisë, janë pamjet që po e shoqërojnë Mitrovicën Veriore gjatë së enjtes së 18 gushtit. Të heshtur por në...

Escobar pas takimit me Kurtin: Asociacioni duhet të formohet sipas...

I dërguari i Shteteve të Bashkuara të Amerikës për Ballkanin Perëndimor, Gabriel Escobar, pas takimit me kryeministrin e Kosovës Albin Kurti, ka thënë se...

Mandl kërkon sqarim nga BE-ja për referimin ndaj kryeministrit Kurti...

Në njoftimin e faqes zyrtare të Bashkimit Evropian(BE) për takimin që u mbajt të enjten e 18 gushtit në kuadër të dialogut Kosovë-Serbi, është...

Të fundit nga rubrika