Tahiri për riemërimin e Vitisë: Nuk do të ketë ditë të mira për shëndetësinë edhe për një kohë

Abelard Tahiri i PDK-së, ka thënë se riemërimi i Arben Vitisë në Ministrinë e Shëndetësisë, nuk do të sjellë përmirësime në këtë sektor

Abelard Tahiri, PDK dhe Arben Viti, minister i Shendetesise

Riemërimi i Arben Vitisë në krye të Ministrisë së Shëndetësisë, nuk i ka pëlqyer shefit të grupit parlamentar të PDK-së, Abelard Tahiri.

Ai tha se Vitia është mbajtur mend vetëm për “strehimin pas videove me mesazhe durimi, kur pandemia rrezikonte jetën e qytetarëve”.

Sipas Tahirit, sektori i shëndetësisë nuk do të ketë përmirësime me Vitinë në krye të saj.

“Ditë të mira për shëndetësinë, siç duket nuk do të ketë edhe për një kohë. A për mafinë e shëndetësisë, me gjasë ky durim prej tre muajsh ia paska vlejtur”, ka shkruar Tahiri.

Kryeministri i Kosovës, Albin Kurti, ka marrë vendim që Arben Vitia të jetë përsëri ministër i Shëndetësisë.

Ish-ministri i Shëndetësisë, Arben Vitia, i cili e kishte lënë këtë post për të garuar për të parin e kryeqytetit, ishte duke punuar në një ordinancë private.

Vitia i kishte humbur zgjedhjet për të parin e kryeqytetit në balotazh kundër kryetarit aktual, Përparim Rama.

Ndërkohë, pas dorëheqjes së Rifat Latifit nga Ministria e Shëndetësisë, ky post kishte mbetur pa ministër për plot 79 ditë.

Ky sektor është kritikuar më së shumti nga partitë opozitare, gazetarët dhe shoqëria civile.

Shija e redaktorit

Komandanti i Gardës së Ajova-s bashkë me gjenerallejtënant Jashari shohin...

Komandanti i Forcës së Sigurisë së Kosovës (FSK), gjenerallejtënant Bashkim Jashari, së bashku me komandantin e Gardës së Ajova-s, gjeneral major Stephen E. Osborn,...

Kreshnikët e Shalës së Bajgorës

Ulërima e 300 spartanëve dhe mbretit Lenoidhas, i trimërohet e me cinizëm i buzëqesh vdekjes, tash e 2500 vjet. Shaljanët, mund të kenë dëgjuar për...

FFK prezanton nesër përzgjedhësin e ri të Kosovës

Federata e Futbollit të Kosovës (FFK) përmes një njoftimi zyrtar ka bërë të ditur se nesër (e shtunë) do të bëhet prezantimi i përzgjedhësit...

Të fundit nga rubrika