Tahiri: Po angazhohemi që t’ia shkurtojmë jetën Qeverisë Kurti

Abelard Tahiri, shefi i Grupit Parlamentar të Partisë Demokratike të Kosovës (PDK), ka deklaruar se janë të vendosur ta kundërshtojnë Qeverinë e kryeministrit Albin Kurti

Shefi i Grupit Parlamentar të Partisë Demokratike të Kosovës, Abelard Tahiri.

Shefi i Grupit Parlamentar të Partisë Demokratike të Kosovës (PDK), Abelard Tahiri, ka deklaruar se janë duke u angazhuar për të “rrëzuar” Qeverinë aktuale në një situatë ku vendi po përballet me sfida të mëdha dhe takimin e pritshëm të 14 shtatorit me Serbinë.

Tahiri pas mbledhjes së Kryesisë së Kuvendit ka deklaruar se ata janë të vendosur ta kundërshtojnë Qeverinë e kryeministrit Albin Kurti dhe nuk kanë synim të mbështesin asnjë akt të propozuar nga kjo Qeveri në Kuvendin e Kosovës.

Për këtë qëndrim, Tahiri ka theksuar se masat e vendosura nga Shtetet e Bashkuara të Amerikës dhe Bashkimi Evropian kanë bërë Kosovën të vuajë, duke e sanksionuar atë dhe duke e lënë në pozitë të pasigurt në dialogun me Serbinë.

Në fakt, Tahiri ka theksuar se Serbia ka përfituar nga kjo situatë dhe po gëzon një avantazh të dukshëm.

“Përderisa jemi të sanksionuar, kemi disa masa të vendosura nga BE e ShBA, nuk mund të flasim për avantazhin e Kosovës. Nuk shkon Serbia e sanksionuar, por Kosova shkon e sanksionuar, ky është një dëm që Qeveria i ka shkaktuar Kosovës”, ka deklaruar ai.

Ai gjithashtu nuk ka kritikuar kryeministrin Kurti për mungesën e transparencës në procesin e dialogut, duke e karakterizuar atë si të pakuptimtë dhe të pasigurt për të ardhmen e Kosovës.

“Kurti në këtë proces e karakterizon një mostransparencë. Kosova vazhdoi rrugëtimin e saj të izoluar fatkeqësisht dhe ne e kemi angazhimin që t’ia shkurtojmë jetën kësaj Qeverie”, ka thënë Tahiri.

Tahiri ka bërë të qartë se PDK është e vendosur të jetë forca kryesore që do ta kundërshtojë Qeverinë dhe që votat e tyre do të jenë ato të cilat do ta mbajnë në pushtet Qeverinë e tanishme.

“Çdo votim i yni do t’ia zgjasë jetën kësaj qeverie. Nuk ka as edhe një arsye të vetme që ta ndryshojmë këtë qëndrim. Ne nuk e votojmë asnjë iniciativë në Kuvend të kësaj Qeverie, asnjë marrëveshje ndërkombëtare asnjë ligj as rezolutë asgjë tjetër”, ka deklaruar tutje ai.

Të enjten e 14 shtatorit, Kuvendi do të mbajë seancë të jashtëzakonshme për tekstet shkollore ka bërë të ditur shefja e Grupit Parlamentar të VV-së, Mimoza Kusari-Lila.

Këtë e bëri të ditur në një konferencë për media pas mbledhjes së kryesisë gjatë ditës së hënë. Ajo ka theksuar se interpelanca e kryeministrit Albin Kurti, e caktuar për të enjten për ambasadorin Martin Berishaj, do të shtyhet për afat të pacaktuar.

Shija e redaktorit

Mark Rutte do të jetë në krye të NATO-s

Mark Rutte do të jetë sekretari i ardhshëm i Përgjithshëm i NATO-s, pasi të 32 anëtarët e aleancës ranë dakord që kryeministri holandez në...

Nëna e Leotrimit: Djali im paska qenë i krejt Kosovës

Gjatë së martës, më 18 qershor, që shënonin 25-vjetorin e Ditës së Çlirimit të Skenderajt, është përuruar shtatorja Leotrim Ahmetit, 7-vjeçarit të vrarë gjatë...

Kosova dhe Izraeli me marrëveshje për heqjen e vizave

Izraeli i ka hequr vizat për qytetarët e Kosovës, duke u bërë kështu shteti i 50-të që mundëson lëvizje të lirë për kosovarët. Kështu ka...

Të fundit nga rubrika