Takimi i 2 majit, së pari diskutohet për të zhdukurit e më pas Asociacioni

Bashkimi Evropian ka konfirmuar agjendën e takimit të së martës mes kryeministrit të Kosovës, Albin Kurti dhe presidentit të Serbisë, Aleksandar Vuçiqt. Të zhdukurit gjatë luftës dhe Asociacioni janë të parët në agjendë, ndërsa është lënë e hapur mundësia që të diskutohet edhe për çështjet aktuale politike. Njohës të procesit të dialogut thonë se Kosova duhet të jetë konstruktive në takim, në mënyrë që mos të shihet si palë bllokuese e dialogut

Marrëveshjen që e arritën në këtë takim, liderët Albin Kurti e Aleksandar Vuçiq do ta diskutojnë të martën në Bruksel.

E, katër ditë para këtij takimi ndërmjet kryeministrit të Kosovës dhe presidentit të Serbisë, Bashkimi Evropian ka konfirmuar agjendën diskutimeve.

Çështja e parë në rendin e ditës do të jetë miratimi i Deklaratës për Personat e Zhdukur gjatë luftës, kurse më pas do të prezantohet drafti i parë i statutit të Asociacionit të Komunave me shumicë serbe.

Por, nuk dihet se çfarë ndikimi mund të kenë zhvillimet e kësaj jave në Strasburg, ku Serbia votoi kundër shqyrtimit të aplikimit të Kosovës për anëtarësim në Këshillin e Evropës.

Ky veprim u vlerësua si shkelje e marrëveshjes së Ohrit nga ana e Serbisë.

Mirëpo, profesori i së drejtës ndërkombëtare, Besfort Rrecaj vlerëson se Kosova nuk duhet të merret shumë me këtë çështje në takimin e 2 majit.

Besfort Rrecaj, Profesor i së drejtës ndërkombëtare ka thënë se “Unë pres që pala kosovare mos ta problematizojë shumë çështjen e votës kundër të Serbisë në Këshillin e Evropës për anëtarësimin e Kosovës, për arsye se gjërat nuk janë bardh e zi, diplomacia është shumë komplekse dhe ne duhet të lexojmë më shumë përtej asaj që na paraqitet neve prima facie. Është e vërtetë që marrëveshja kërkon mos ta pengojë, mirëpo kjo puna e pengimit lë interpretime të ndryshme”.

Kosova, sipas profesorit Rrecaj, duhet të jetë e kujdesshme në mënyrë që të mos shihet si palë bllokuese në sytë e bashkësisë ndërkombëtare.

Akri Çipa, Studiues i marrëdhënieve ndërkombëtare ka thënë seNë radhë të parë Kosova ka arsye të jetë skeptike jashtëzakonisht shumë skeptike në raport me qasjen që do të ketë tash më 2 maj Z. Vuçiq dhe në pretendimin që do të ngreh ai në tavolinën e diskutimit në Bruksel. Është e rëndësishme që të vazhdohet të këmbëngulet te një qëndrim konstruktiv nga ana e Kosovës, në mënyrë që mos të marrë përsipër barrën e pengimit të dialogut sikurse është edhe objektivi kryesor i Serbisë që paraqes Kosovën si palë destruktive”.

 Përveç dy temave të para në rendin e ditës, në takimin e së martës Kurti dhe Vuçiq pritet të diskutojnë edhe çështjet aktuale që BE-ja i vlerëson me rëndësi politike.

 

 

 

 

Shija e redaktorit

Raporti për lirinë e medias vlerësohet alarm për shoqërinë dhe...

Në Ditën Botërore të Lirisë së Shtypit vendi ynë shënoi rënie për 19 vende në indeksin e lirisë së medieve nga “Reporterët Pa Kufij”....

Dorëzimi i donacionit PET-CT, Osmani takon sekretaren e organizatës Alwaleed...

Presidentja e Kosovës, Vjosa Osmani, i ka uruar mirëseardhje në Republikën e Kosovës, Princeshës Lamia Bint Majed Saud Alsaud, Sekretare e Përgjithshme e Alwaleed...

Zgjidhet ushtari më i mirë për vitin 2024

Këtë të premte është mbajtur ceremonia përmbyllëse e garës ndërkombëtare “Ushtari më i mirë 2024”, në Kazermën “Skënderbeu” në Komunën e Ferizajt. Tashmë janë shpallur...

Të fundit nga rubrika