Dy ikona të xhudos, Majlinda Kelmendi dhe Teddy Riner, kanë pasur një takim të shkurtë miqësor gjatë Grand Slamit, në Paris.

Xhudistja Kelmendi tashmë është trajnere në ekipin e Kosovës, ndërsa Riner është legjendë e xhudos.

Të dy kanë korrur suksese të jashtëzakonshme në karrierën e tyre.

Faqja e Unionit Evropian të Xhudos ka ndarë momentin e përshëndetjes së dy prej më të mëdhenjve në histori të xhudos.

Në këtë video të shkurtër shihet përshëndetja e ngrohtë midis dy legjendave të xhudos.

Ndërkaq, xhudistja nga Kosova, Distria Krasniqi ka fituar medaljen e artë në turneun “Grand Slamin”, i cili po mbahet në Paris të Francës.

Distria nuk ndalon duke bërë krenar shtetin e saj, kësaj radhe duke fituar medaljen artë në kategorinë deri në 52 kilogramë.

Kampionia olimpike arriti ta mposhtë në finale hungarezen, Reka Pupp.

Këtu më poshtë keni momentet e shkëlqimit të kampiones olimpike, në Grand Slamin të xhudos, në Paris. Me tri fitore, ajo arriti në finalen fituese për të, para dhjetëra e mijëra tifozëve.

Ndryshe, Distria e nisi raundin e parë pa ndeshje, ndërsa në raundin e dytë e mposhti spanjollen Marina Castello Diez për të kaluar në çerekfinale.

Në çerekfinale, xhudistja jonë u takua me mongolezen Sosorbaram Lkhagvasuren, të cilën e mposhti me ‘ippon’ për të kaluar në gjysmëfinale.

Ajo u tregua e fortë edhe në gjysmëfinale duke fituar me dy ‘waza-ari’ ndaj francez Amandine Buchard dhe për të siguruar medaljen.