Takohen liderët institucionalë të shtetit

Presidentja e Republikës së Kosovës Vjosa Osmani, kryeparlamentari Glauk Konjufca, kryeministri Albin Kurti dhe zëvendësministrja Donika Gërvalla-Schwarz kanë mbajtur një takim për të diskutuar rreth zhvillimeve të fundit si mbarëvajtjen e procesit të anëtarësimit të Kosovës në organizata ndërkombëtare, koordinimin me shtetet mike dhe dialogun me Serbinë

Presidentja e Republikës së Kosovës Vjosa Osmani, kryeparlamentari Glauk Konjufca, kryeministri Albin Kurti dhe zëvendësministrja Donika Gërvalla-Schwarz

Presidentja e Republikës së Kosovës, Vjosa Osmani, ka mbajtur të hënën takimin e rregullt koordinues për politikën e jashtme me kryetarin e Kuvendit, Glauk Konjufca, me kryeministrin, Albin Kurti dhe me zëvendëskryeministren, Donika Gërvalla.

‘’Gjatë takimit u diskutua për mbarëvajtjen e procesit të anëtarësimit të Republikës së Kosovës në organizatat ndërkombëtare, koordinimin me shtetet mike, si dhe për zhvillimet e fundit lidhur me dialogun me Serbinë’’, thuhet në postimin e presidencës.

Ndryshe, ministrja e Punëve të Jashtme dhe Diasporës, Donika Gërvalla, gjatë qëndrimit të saj në Shtetet e Bashkuara të Amerikës, javën e kaluar ka takuar Sekretarin amerikan të Shtetit, Antony Blinken dhe zyrtarë të tjerë shtetërorë.

“Shumë e inkurajuar nga një bashkëbisedim i besueshëm, kuptimplotë dhe i përzemërt me Sekretarin Amerikan të Shtetit, Antony Blinken, për sigurinë, bashkëpunimin në Ballkan dhe të ardhmen euro-atlantike të Kosovës”, kishte shkruar Gërvalla në Facebook.

Ministrja e Punëve të Jashtme dhe Diasporës, Donika Gërvalla dhe Sekretari Amerikan i Shtetit, Antony Blinken

Edhe kryeparlamentari Konjufca, gjatë javës së fundit, ka pasur disa takime të ndryshme në Evropë.

Në Austri, Konjufca është pritur nga zyrtarë të lartë shtetërorë me të cilët ka diskutuar tema të ndryshme.

Kryeparlamentari i Kosovës, Glauk Konjufca dhe kryetari i Parlamentit të Këshillit Kombëtar të Austrisë, Wolfgang Sobotka

“Shpreh mirënjohjen edhe për mbështetjen që aktualisht Austria po i jep procesit të integrimit të Kosovës dhe rajonit të Ballkanit në Bashkimin Evropian”, ka thënë kreu i Kuvendit të Kosovës.

Në kuadër të punimeve të Asamblesë Parlamentare të Procesit të Bashkëpunimit në Evropën Juglindore në Greqi, Konjufca ka pasur takime me homologun grek.

Dy kryeparlamentarët kanë diskutuar lidhur me zhvillimet globale dhe janë dakorduar se përpjekjet për ruajtjen e paqes duhet të intensifikohen.

Javën që lamë pas, saktësisht të premten e 10 qershorit për vizitë në Kosovë ishte kancelari gjerman, Olaf Scholz, vizitë kjo që u konsiderua historike.

Kancelari gjerman, Scholz arrin në Kosovë

Scholz në konferencën për media pas takimit me Kurtin ka folur për liberalizimin e vizave, dialogun Kosovë-Serbi, marrëveshjen përfundimtare.

Gjatë ditës së martë në Kosovë është paralajmëruar vizita e ministrit të Jashtëm të Austrisë.

Shija e redaktorit

Lansohet platforma e-Komuna, Kurti: Drejt një qeverisjeje digjitale me fokus...

Ministria e Administrimit të Pushtetit Lokal ka organizuar të premten ceremoninë e lansimit të shërbimeve të e-Komuna, e cila është pjesë e platformës shtetërore...

ASK: Në Kosovë s’ka rënie të madhe të numrit të...

Procesi i regjistrimit të popullsisë në Kosovë përfundon këtë të premte, pas fillimit të tij më 5 prill, rezultatet preliminare të të cilit pritet...

Osmani bisedon me homologun gjerman, diskuton rëndësinë e anëtarësimit të...

Presidentja e Kosovës, Vjosa Osmani, të martën mbrëma ka zhvilluar një bisedë telefonike me homologun gjerman, Frank-Walter Steinmeier. Në një postim në rrjetin social "X",...

Të fundit nga rubrika